Men eldhusa kan vera lunefulle. Inne kan temperaturen også verta for høg, som i sommarhalvåret. Ved for høg varme går prosessen for fort. Erfaringane viser likevel at fårepølsa er hardfør. På varme dagar er det berre forsvarleg å røyka om føremiddagen, ettermiddagen vert for heit.

Temperaturen ute påverkar altså prosessen og dei tiltak som vert sett i verk. Men temperaturen inne i eldhuset er heller ikkje like jamn alle stadar. Om sommaren er det høgast temperatur langs veggane og kjøligare midt inne i rommet. Vinterstid er det motsett: Kaldt langs veggane og varmast midt i rommet. Er det rart at dette krev kunnskap og erfaring?